Laŭ deklaro de la Ĉina Aerospaca Scienca kaj Teknologia Korporacio (CASC), ĉinaj astronaŭtoj povas vivi kaj labori pli komforte kaj facile en la orbito de la stacio danke al la aplikoj de altnivelaj informaj teknologioj.
Donante informojn pri vivo en la kosmo en gazetara konferenco okazinta vendrede, la ĉefprojektisto de la Kosmostacio de la Ĉina Akademio de Kosmo-Teknika Bai Linhou diris, ke la centra modulo de la kosmostacio Tianhe estas ekipita per inteligentaj sistemoj. Tiamaniere, astronaŭtoj povas kontroli la lumigadon de la centra modulo kaj kuireja ekipaĵo per moveblaj aplikoj. Ili ankaŭ povas navigi la Interreton kaj paroli kun siaj familioj kaj amikoj per video.
Aliflanke, Bai ankaŭ deklaris, ke dank' al aŭdvida sistemo, astronaŭtoj ne devas labori nokte kaj havas eblecon dormi. Bai aldonis, ke kun akusto-optika sistemo en la kerna modulo, astronaŭtoj povas dormi nokte anstataŭ esti en misio.
Tang Hongbo, unu el tri astronaŭtoj en la ĉina ŝipana misio Shenzhou-12, diris, ke ŝipanoj povus havi varman manĝon en ĉirkaŭ duonhoro. Astronaŭtoj povas dormi pli komforte danke al laŭtparolilo, kiu sciigas ilin se io misfunkcias.
Fonto: Ĉina Radio Internacia
Estu la unua, kiu komentas